ଓଡ଼ିଶାରେ ଆପଣଙ୍କ ପିଲା ପାଇଁ ମାଗଣା ସରକାରୀ ସାହାଯ୍ୟ

RBSK କ'ଣ?

RBSK ହେଉଛି ସରକାରଙ୍କ ଗୋଟିଏ ସ୍ୱାସ୍ଥ୍ୟ ଯୋଜନା। ଏଥିରେ ଜନ୍ମରୁ 18 ବର୍ଷ ଯାଏଁ ପିଲାଙ୍କୁ ମାଗଣାରେ ପରୀକ୍ଷା କରାଯାଏ। ଡେରିରେ କଥା କହିବା, କମ୍ ଶୁଣିବା ଆଉ ଅଟିଜମ୍ ଭଳି ସମସ୍ୟା ଅଛି କି ନାହିଁ, ଦେଖାଯାଏ।

ସ୍ୱାସ୍ଥ୍ୟ ଟିମ୍ ବର୍ଷକୁ ଦୁଇଥର ଅଙ୍ଗନୱାଡ଼ିକୁ, ଆଉ ବର୍ଷକୁ ଥରେ ସ୍କୁଲକୁ ଆସନ୍ତି।

DEIC କ'ଣ?

DEIC ମାନେ ଜିଲ୍ଲା ଶୀଘ୍ର ସାହାଯ୍ୟ କେନ୍ଦ୍ର (ଡିଷ୍ଟ୍ରିକ୍ଟ ଅର୍ଲି ଇଣ୍ଟରଭେନସନ୍ ସେଣ୍ଟର)। ସରକାର ପ୍ରତ୍ୟେକ ଜିଲ୍ଲା ଡାକ୍ତରଖାନାରେ ଗୋଟିଏ କରି କେନ୍ଦ୍ର ଖୋଲିବାର ଯୋଜନା କରିଛନ୍ତି। ଆପଣଙ୍କ ଜିଲ୍ଲା ଡାକ୍ତରଖାନାରେ ପଚାରନ୍ତୁ।

ଗୋଟିଏ DEIC ରେ ଜଣେ ସ୍ପିଚ୍ ଥେରାପିଷ୍ଟ ଓ ଅଡିଓଲୋଜିଷ୍ଟ, ଜଣେ ସାଇକୋଲୋଜିଷ୍ଟ, ଜଣେ ଫିଜିଓଥେରାପିଷ୍ଟ ଆଉ ଜଣେ ବିଶେଷ ଶିକ୍ଷକ ରହିବା କଥା।

ଏହା ମୁଖ୍ୟତଃ 6 ବର୍ଷରୁ କମ୍ ପିଲାଙ୍କ ପାଇଁ। ବଡ଼ ପିଲାଙ୍କୁ ଅନ୍ୟ ସରକାରୀ ଡାକ୍ତରଖାନାକୁ ପଠାଯାଏ। ଏଠି ସେବା ମାଗଣା। ବାପା-ମା ନିଜେ ବି ସିଧା DEIC କୁ ଯାଇପାରିବେ।

UDID କାର୍ଡ କ'ଣ?

UDID ହେଉଛି ଭାରତ ସରକାରଙ୍କ ଭିନ୍ନକ୍ଷମ କାର୍ଡ। ଭାରତର ଆଇନ ଅନୁସାରେ ଅଟିଜମ୍ ଗୋଟିଏ ଭିନ୍ନକ୍ଷମତା। ଭିନ୍ନକ୍ଷମ ସାର୍ଟିଫିକେଟ୍ ସବୁ ରାଜ୍ୟରେ ମାନ୍ୟ।

UDID କାର୍ଡ ପାଇଁ କେମିତି ଦରଖାସ୍ତ କରିବି?

• ବାପା ବା ମା ସରକାରୀ ୱେବସାଇଟରେ ପିଲା ପାଇଁ ଦରଖାସ୍ତ କରିପାରିବେ।
• ଏସବୁ ପାଖରେ ରଖନ୍ତୁ: ପାସପୋର୍ଟ ଫଟୋ, ଦସ୍ତଖତ ବା ଟିପଚିହ୍ନ, ଗୋଟିଏ ପରିଚୟ ପତ୍ର, ଆଉ ପିଲାର ଡାକ୍ତରୀ କାଗଜପତ୍ର।
• ସାହାଯ୍ୟ ଦରକାର ହେଲେ, ଭିନ୍ନକ୍ଷମ ସାର୍ଟିଫିକେଟ୍ ପାଇଁ ଠିକ୍ କରାଯାଇଥିବା ସରକାରୀ ଡାକ୍ତରଖାନାକୁ ଯାଆନ୍ତୁ।
• ଦରଖାସ୍ତ କଲା ପରେ, ଡାକ୍ତରଖାନା ପିଲାକୁ ପରୀକ୍ଷା କରିବା ପାଇଁ ଗୋଟିଏ ତାରିଖ ଦିଏ। ସେହି ଦିନ ପିଲାକୁ ନେଇଯାଆନ୍ତୁ।
• କିଛି ଟଙ୍କା ଲାଗେ ନାହିଁ। କାର୍ଡ ମାଗଣାରେ ଡାକରେ ଆପଣଙ୍କ ଘରକୁ ଆସେ।

• UDID ସରକାରୀ ୱେବସାଇଟ୍

ବାପା-ମା ପଚାରୁଥିବା ପ୍ରଶ୍ନ